உண்மையை உள்ளடைக்கிய வேதம்

إِنَّا أَنزَلْنَا عَلَيْكَ الْكِتَابَ لِلنَّاسِ بِالْحَقِّ ۖ فَمَنِ اهْتَدَىٰ فَلِنَفْسِهِ ۖ وَمَن ضَلَّ فَإِنَّمَا يَضِلُّ عَلَيْهَا ۖ وَمَا أَنتَ عَلَيْهِم بِوَكِيلٍ (41)

அப்துல் ஹமீத் பாகவி :

(நபியே!) நிச்சயமாக நாம் மனிதர்களின் நன்மைக்காகவே முற்றிலும் உண்மையைக் கொண்டுள்ள இவ்வேதத்தை உங்கள்மீது இறக்கி வைத்தோம். ஆகவே, எவன் இதனைப் பின்பற்றி நடக்கின்றானோ, அது அவனுக்கே நன்று; எவன் (இதிலிருந்து) வழிதவறி விடுகின்றானோ அவன், வழி தவறியதன் பலன் அவனுக்கே தீங்காக முடியும். (நபியே!) நீங்கள் அவர்கள் மீது பொறுப்பாளர் அல்ல.(39:41)

ஜான் டிரஸ்ட் :

நிச்சயமாக நாம் மனிதர்களுக்காக உண்மையைக் கொண்டு இந்த வேதத்தை உம்மீது இறக்கியருளினோம்; எனவே, எவர் (இந்த) நேர்வழியைப் பின்பற்றி நடக்கிறாரோ, அது அவருக்கே (நல்லது); எவர் வழிதவறி கெடுகிறாரோ அவர் தனக்கு பாதகமாகவே வழி கெட்டுப் போகிறார்; அன்றியும் நீர் அவர்கள் மீது பாதுகாவலர் அல்லர்.(39:41)

இக்பால் மதனீ :

( நபியே! ) நிச்சயமாக நாம் , மனிதர்களுக்காக உண்மையைக் கொண்டுள்ள ( இவ்) வேதத்தை உம் மீது இறக்கினோம்; ஆகவே எவர் நேர்வழி பெற்று விடுகின்றாரோ அது அவருக்கே ( நன்மை) ஆகும் ; எவர் ( அதிலிருந்து ) வழிகெட்டுவிடுகின்றாரோ அவர் வழிகெடுவதெல்லாம் அவரின் மீதே ( கேடாக ) ஆகும்; ( நபியே !) நீர் அவர்களுக்காகப் பொறுப்பேற்றுகொள் பவரும் அல்லர்.(39:41)

IFT :

(நபியே!) நாம் மனிதர்கள் அனைவருக்காகவும் சத்தியத்துடனான இந்த வேதத்தை உம்மீது இறக்கியிருக்கின்றோம். இனி, யாரேனும் நேரிய வழியில் நடந்தால் அது அவருக்கே நன்மை தரும். யாரேனும் வழி தவறினாலும், வழி தவறியதன் தீயவிளைவு அவரையே சாரும். நீர் அவர்களுக்குப் பொறுப்பாளர் அல்லர்.(39:41)

PJ :

மனிதர்களுக்காக உண்மையை உள்ளடக்கிய இவ்வேதத்தை நாம் உமக்கு அருளினோம். நேர்வழி பெற்றவர் தமக்காகவே நேர்வழி பெறுகிறார். வழிகெடுபவர் தமக்கு எதிராகவே வழிகெடுகிறார். (முஹம்மதே!) நீர் அவர்களுக்குப் பொறுப்பாளர் அல்லர்.(39:41)

ஜமாஅத் அன்சாரிஸ் சுன்னதில் முஹம்மதிய்யா

சத்தியத்தை கொண்டுள்ள இவ்வேதத்தை மனிதர்களுக்காக நிச்சயமாக நாம் உம்மீது இறக்கிவைத்தோம்.ஆகவே யார் நேர்வழி பெறுகிறாரோ ( அது ) அவருக்கே ( நன்மை ) யாகும்.யார் வழி தவறுகிறானோ அவன் தனக்கு எதிராகவே வழி தவறுகிறான் மேலும் ( நபியே !) நீர் அவர்களுக்குப் பொறுப்பாளராக இல்லை.(39:41)